Tembang Dhandhanggula Kagem Siraman
MICARA BABAGAN ( TENTANG ) ADAT ISTIADAT PENGANTIN LOKAL JAWA TENGAH ( SUKU JAWA )
Ana ing adat tradisi suku jawa ( JAWA TENGAH / PRATALA JAWI / JAWI MADYA ) mligine jroning rerangken tatacara mantenan diwanuhi anane upacawis siraman. Upacawis siraman yaiku sawijining upacawis hingkang dipuntindakake kanggo mbukak rerangken adicara mantenan yaiku kanthi ngedusi calon temanten putra kalawan temanten putri. Upacawis puniki lumrahe sedina sadurunge upacawis panggih dipuntindake.
Sekar utawi tembang macapat dhandhangula puniku minangka donga , panyuwun , pangarep arep , uga wejangan kangggo temanten putra lan temanten putri.
Sekar utawi tembang macapat dhandhangula siraman dumadi saka 7 pada ( bait ).
Cacahing beboreh ( lulur) hingkan ing nalika siraman siji lan sijine bedem miturut werna . dene werna beboreh yaiku rekta ( abang), wiring ( langking) , jenar ( kuning), maya ( biru), wungu , seta ( putih),kalawan wilis ( ijem / ijo).
SEKAR TEMBANG MACAPAT DHANDHANGULA SIRAMAN
PADA ( BAIT) SETUNGGAL
GYA SINIRAM HANGGANYA SANG PUTRI
TIRTA WENING HINGKANG AMAWA CAHYA
BEBOREH ( LULUR ) REKTA WARNANE
GINOSOK HANGGANIPUN
SINARENGAN MANTRA HINGKANG MIJIL
LARUT MEMALANIRA
NGALELA DINULU
WATAK SETYA TINARBUKA
TANGGUH TANGGON TEGUH TUMANGGAPING KARDI
SANTOSA BUDINIRA
PADA ( BAIT ) KALIH
SUMAMBURAT CAHYANYA NELAHI
NGEGLA CETHA KATON ANGALELA
DATAN SISIP PAMAWASE
LANGKING BEBOREHIPUN
PUJI HARJA MIJIL PANGESTHI
PRAWIRA WATAKIRA
LUHUR BUDINIPUN
TUHU TRESNA MRING SASAMA
LULUH LULUS LILA LEGAWA DATAN LALI
KALIS ING SAMBIKALA
PADA ( BAIT ) TIGA
ANGENGUWUNG MALENGKUNG KAEKSI
GILAR GILAR SUMUNAR ING WARNA
MANCORONG JENAR URUBE
WARNA JENAR PUNIKU
WATAK SRANTI ( SABAR) HINGKANG PINANGGIH
UTAWI LAN NARIMA
WASPADENG PANDULU
MARDU MARDAWA MICARA
MANUHARA TATA, TITI, TATAS, TITIS
DADYA TEPA TULADHA
PADA ( BAIT) SEKAWAN
KATON PADHANG SUMILAKING WARNI
SURYA, CANDRA, DARU ,LAN KARTIKA
DADYA SAJUGA SOROTE
BEBOREH WARNA MAYA ( BIRU)
SETYA TUHU AJRIH LAN ASIH
TRESNA MARANG SUDARMA
BEKTI WATAKIPUN
TRAP SUSILA ANURAGA
DATAN SISIP NGGENIRA MANEMBAH GUSTI
BAGYA MULYA SINEDYA
PADA ( BAIT) GANGSAL
GANDA ARUM HINGKANG ANGEBEKTI
WARNA WARNA WARNI ING HINGKANG SEKAR
KATINGAL WENING TIRTANE
WUNGU BEBOREHEIPUN
MENGKU WERDI HINGKANG SEJATI
LEGA LILA ING NALA
LEGAWA WATAKIPUN
WAHYU MULYA HINGKANG SINEDYA
BAGUS ALUS TULUS MIYOS TRUSING BATOS
MULYA TEKENG DELAHAN
PADA ( BAB) ENEM
WERDI AGUNG PRALAMBANG ING URIP
AMANCURAT CAHYA HINGKANG KATINGAL
WARNA SETA ( PUTIH) BEBOREHE
LANGGENG NGGENNYA AMENGKU
DATAN WUDHAR DENNYA ANGESTHI
MANEMBAH MAHA NATA
GUSTHI MAHA AGUNG
NETEPI JEJERING TITAH
AMUNG PASRAH SUMARAH NGARSA HYANG WIDHI
SANDIKA NGESTU PADA
PADA ( BAIT ) PITU
PARIPURNA NGGENIRA SESUCI
SIRAM JAMAN RERESIK SARIRA
HINGKANG MINANGKA PUNGKASANE
WILIS BEBOREHIPUN
WICAKSANA WATAK ING JALMI
KEBLAT PANEMBAHIRA
PANA ING PANDULU
CINAKETAN MRING HYANG SUKSMA
LEKASIRA PANTES TINULAD SASAMI
PURWA MADYA WASANA
#SEMARANGJAWIMADYA ( SEMARANG JAWI MADYA )
#JOGLOTIKELAN ( JOGLO TIKELAN )
